Sabado, Oktubre 5, 2013
UNIT SUMMARY
Tatalakayin
ang mga panitikang umusbong sa panahon ng katutubo tulad ng mga karunungang
bayan, epiko at alamat. Kaakibat nito ay ang pagtalakay sa dalawang uri ng
paghahambing, pang-abay na pamanahon, panlunan at pamamaraan. Ang mga mag-aaral
ay ibabahagi ang kanilang pagpapakahulugan, opinyon, at hinuha sa talakayan. Inaasahan
na pagkatapos ng talakayan, ang mga mag-aaral ay makagagawa ng pangkatang blog stoyboard. Ang pangkatang blog
storyboard ay naglalaman ng mga akdang panitikan na natalakay (Ang
Alamat ng Kasoy, Mina ng Ginto, Naging
Sultan si Pilandok, Si Tuwaang at ang Dalaga
ng Buhong na Langit). Isaalang-alang sa pagbubuod at paggawa ng dayalogo ang
paggamit ng pang-abay na pamanahon, panlunan at pamaraan at kung maaari ay
gamitin din ang mga karunungang-bayan na natalakay sa mga senaryo. Kalakip
sa storyboard ang repleksyon at aral na napulot ng mag-aaral. Ang mga mag-aaral
ay nagagamit ang mga dating kaalaman, bagong kaalaman, malinang ang ika-21 na siglong
kakayahan, pagkamalikhain at kakayahang panggramatika na
makatutulong sa pagtatamo ng pasalita at pasulat na pakikipagkomunikasyon at pagsasagawa
ng pangkatang blog stoyboard.
Mag-subscribe sa:
I-post ang Mga Komento (Atom)
Walang komento:
Mag-post ng isang Komento